Osmani tregon kur do merret vendimi për caktimin e datës së zgjedhjeve
Presidenca e Kosovës njofton se presidentja nw detyrw Vjosa Osmani ka përfunduar takimet me partitë politike në Kuvend rreth zgjedhjeve të reja.

Osmani thotë se pasi që palët të marrin aktgjykimin e Kushtetueses, menjëherë do të caktohet data e mbajtjes së zgjedhjeve të jashtëzakonshme.

Njoftimi

U.d. Presidentja e Kosovës, dr. Vjosa Osmani pas njoftimit të djeshëm të Gjykatës Kushtetuese lidhur me vendimin e saj nr. KO 95/20, ka përfunduar takimet me të gjitha partitë politike të përfaqësuara në Kuvendin e Kosovës.Në takime është diskutuar për mbajtjen e zgjedhjeve të jashtëzakonshme.Pas përfundimit të takimeve dhe diskutimeve përmbajtësore me të gjitha subjektet politike u.d. Presidentja Osmani ka theksuar se sapo palët ta marrin Aktgjykimin e plotë të Gjykatës Kushtetuese, menjëherë do të caktohet data e mbajtjes së zgjedhjeve të jashtëzakonshme.

U.d. Presidentja do të mbajë takime edhe me KQZ-në si dhe institucione të tjera relevante në mënyrë që organizimi i zgjedhjeve të bëhet sipas standardeve më të larta
Shtuar më 23/12/2020, ora 17:39

Shkruani komentin tuaj!
Të fundit nga kjo kategori