Opozita sërish braktis seancën e Kuvendit
Kuvendi i Kosovës sot nuk ka mundur t’i vazhdoj punimet e seancës plenare për shkak të mungesës së kuorumit. E gjithë kjo situatë u krijua gjatë seancës së djeshme kur u miratu ligji për RTK-në që u përcoll me largim nga salla të deputetëve të opozitës.

Këto parti kanë kundërshtuar futjen në rend dite të Ligjit për Bankat dhe atij për RTK-në, duke thënë se janë shkelur procedurat. Ndërkohë sot Kryetari i Kuvendit, Jakup Krasniqi insistoi se këto procedura nuk janë shkelur.

“Opozita është dashur ta arsyetoj daljen nga salla dhe jo të thirret në procedura sepse asnjë procedurë nuk është shkelur”, ka thënë Krasniqi duke paralajmëruar një mbledhje të re të Kryesisë së Kuvendit për të hënën e cila do të vendos për mbajtjen e seancës së ardhshme parlamentare.
Shtuar më 30/03/2012, ora 11:41

Shkruani komentin tuaj!
Të fundit nga kjo kategori