Nuk ka raport për autopsinë e Astrit Deharit
Raporti i autopsisë për vdekjen e aktivistit të Lëvizjes Vetëvendosje, Astrit Deharit, është gati, por nuk do të dorëzohet këtë javë.

"Raporti i autopsisë është i gatshëm, mirëpo i njëjti varet edhe prej ekspertizave të tjera nga forenzika.

Ka gjasa që dorëzimi i këtij raporti nuk do të ndodh gjatë kësaj jave", kanë bërë të ditur burime të "Indeksonline".

Lidhur me këtë, kryeprokurori i Prokurorisë Themelore në Prizren, Sylë Hoxha, nuk e ka përjashtuar se mund të ndodhë diçka e tillë.

"Nuk e di a do të na dorëzohet nesër raporti i autopsisë për Astrit Deharin.
Po nëse e do mendimin tim, unë do kisha dëshirë që ky raport me dalë nesër, pasi që i kishim sqaruar disa gjëra", ka thënë kryeprokurori Hoxha.

Ndërkohë kanë kaluar rreth dy jave nga vdekja e aktivistit të Vetëvendosjes Astrit Deharit, ndërsa autoritet ende nuk kanë dalë në përfundimin se mbi kë rëndon vdekja e Astritit. /albeu.com/


Shtuar më 17/11/2016, ora 15:25

Shkruani komentin tuaj!
Të fundit nga kjo kategori