Kryeprokurorja e EULEX-it, Jaroslava Novotna ka deklaruar se EULEX-i nuk ka një listë sekrete të arrestimit veç të serbëve.

Ajo tha se serbët e shohin me tendencë misionin e EULEX, duke u ankuar se misioni evropian ka si synim të arrestojë vetëm serbët.

“Ligji nuk parasheh ekzistimin e aktakuzave të fshehta dhe të vulosura. Natyrisht ka hetime që janë duke u zhvilluar dhe që përfshijnë pjesëtarë të gjithë nacionaliteteve”, tha Novotna për Koha.net.

Disa politikanë serbë në veri kanë dalë me deklaratat se EULEX dëshiron të arresojë ata, vetëm e vetëm për të krijuar baraspeshë mes shqiptarëve dhe serbëve në arrestime.

Madje, Oliver Ivanoviç, i vënë nën shenjestrën e drejtësisë së misionit të EULEX-it ka shkuar deri atje, duke e akuzuar EULEX-in se ka për qëllim spastrimin etnik të vendit nga serbët. /albeu.com/