Mjete të blinduara të Policisë së Kosovës janë nisur drejt bazës në Mitrovicë para vizitës së presidentit serb Vuçiç.

Njësitë speciale të policisë nga Prishtina janë nisur drejt Mitrovicës për të ofruar siguri.

Këto njësi me mjete të blinduara do të vendosen në bazën e tyre “Belvedere” në Lagjen “Bair” të Mitrovicës.

KALLXO.com ka postuar foto të lëvizjes së njësisë speciale me mjete të blinduara.

Aleksandar Vuçiç do të qëndrojë sot e nesër në Kosovë, disa ditë pas vrasjes së Oliver Ivanoviqit.

Presidenti i Serbisë, Aleksander Vuçic do të vijë për vizitë sot në Kosovë, ku siç ka njoftuar, do të takojë serbët e Kosovës.

Vizita e tij ndodh pas vrasjes së Oliver Ivanoviqit, që ndodhi këtë javë në veri të Mitrovicës, shkruan Zeri.

Kjo është agjenda e Vuçicit:

Rreth orës 10:30 Aleksander Vuçic do të vizitojë manastirin Banjska.

Rreth orës 11:30 do të ketë takim me përfaqësuesit serbë në Kosovë, në Fakultetin Teknik në Mitrovicën e Veriut.

Rreth orës 17:00 do të ketë takime me qytetarë në Shtëpinë e Kulturës në Llapnasellë.