Në Gjykatën Themelore në Pejë thonë se dëmi është minimal dhe dyshojnë së zjarri është shkaktuar nga rryma, KEDS e mohon – raporton T7

Shumë lëndë i dogji zjarri në Gjykatën e Pejës. Zjarrit nuk i shpëtuan as kompjuterët e karriget.

Dëmet u shkaktuan si pasojë e zjarrit që kaploi zyrën e shkrimores civile të kësaj Gjykate të hënën para mesnate.

Pavarësisht rëndësisë së këtij institucioni dhe dokumentacionit, kryetari i Gjykatës Themelore në Pejë thotë se dëmi është minimal.

Ai madje jep edhe një version të tij se nga çka mund të jetë shkaktuar zjarri.

Pavarësisht dëmeve që u tha të jenë të vogla, kjo u nxori punë edhe të martën.

Për shkak të telasheve me rrymën u shtynë edhe seancat gjyqësore.

Ndërkohë me rastin po merret edhe Prokuroria e Pejës.

E i kontaktuar me telefon, zëdhënësi i KEDS-it, Viktor Buzhala, ka thënë se ekipet e tij kanë dalë në vendin e ngjarjes dhe kanë konstatuar që zjarri nuk është ndezur për shkak të problemeve me matësin e rrymës.