Nisma: Gjunjëzimi i radhës përballë Serbisë
Partia Nisma për Kosovën ka bërë të ditur se delegacioni i Qeverisë së Kosovës në mbledhjen e fundit me delegacionin e Qeverisë së Serbisë në Bruksel ka arritur një marrëveshje, të cilën ata e quajnë një fazë kalimtare.

Sipas tyre marrëveshja për validitetin e dokumenteve ilegale të lëshuara nga strukturat paralele të Serbisë në Kosovë, është një lëshim tepër i rëndë i qeverisë së Kosovës, është gjunjëzimi i radhës përballë Serbisë, është tallja e radhës e kësaj Qeverie me qytetarët e vendit tonë, është poshtërim i shtetit.

“NISMA për Kosovën kërkon nga Qeveria e Kosovës që t’i ndërpres bisedimet në emër të Kosovës, pasi ajo e ka humbur legjitimitetin për të marrë vendime në emër të shtetit e të qytetarëve të shtetit tonë. NISMA kërkon që qeveria, urgjentisht ta shfuqizojë marrëveshjen e bërë dje, me të cilin po i legjitimon dokumentet ilegale të strukturave paralele të te regjimit serb në Kosovë”, thuhet në njoftimin për media. /Albeu.com/
Shtuar më 20/04/2016, ora 14:51

Shkruani komentin tuaj!
Të fundit nga kjo kategori