Ngrihet aktakuzë ndaj Sali Asllanajt
Prokuroria Themelore në Prizren – Departamenti i Krimeve të Rënda, ka ngritur aktakuzë kundër të pandehurve Sali Asllanaj, në cilësinë e kryetarit të KomunësSuharekës, Sherif Berisha, në cilësidrejtorit të Drejtorisë Komunale të Arsimit në Suharekë, dhe Milazim Hajdari, në cilësidrejtorit të SHFMU “Bajram Curri” në fshatin Nishor, Komuna e Suharekës, për shkak se kanë kryer secili veç e veç veprën penale “Keqpërdorim i pozitës apo autoritetit zyrtar”, nga Neni 422, paragrafi 1 të Kodit Penal të Republikës së Kosovës.

Sipas aktakuzës, të pandehurit dyshohen se duke e shfrytëzuar pozitën zyrtare, i tejkalojnë kompetencat e tyre me qëllim të përfitimit të çfarëdo dobie për personin tjetër, lidhur me Marrëveshjen për Mirëkuptim dhe Bashkëfinancim ndërmjet KomunësSuharekës dhe OJQ-së “Kosovo Hope” për projektin “Transporti i nxënësve”, duke shkelur Ligjin e Prokurimit Publik nr.04/L-042, Ligjin për menaxhimin e financave publike nr.03/L-048, si dhe Rregulloren financiare nr.01/2013, me ç'rast i shkaktojnë dëm buxhetit të Kosovës në shumën totale prej 10.556.00 €.


Shtuar më 05/11/2018, ora 11:59

Shkruani komentin tuaj!
Të fundit nga kjo kategori