Nga e hëna s'ka më shërbime në postë, mësoni arsyen
Sindikata e Punëtorëve të PostësKosovës ka njoftuar se nga e hëna, të gjithë punëtorët do të hyjnë në grevë të përgjithshme, e cila sipas tyre, nuk do të ndalet deri në realizimin e kërkesave të tyre.

Sipas njoftimit të sindikatës, gjatë kësaj kohe në sportelet e PostësKosovës nuk do të ofrohet asnjë shërbim.

“Greva nuk do të ndalet deri realizimin e pagave për të gjithë punonjësit e PostësKosovës, garantim me shkrim nga menaxhmenti, bordi dhe Qeveria e Kosovës që ekzekutimi i pagave në muajt e ardhshëm do të bëhet brenda afatit ligjor. Qeveria e Kosovës të kryejë urgjentisht obligimin ligjor ndaj Postës – rimbursimin e humbjeve në Shërbimin Universal Postar. Qeveria t’i mundësojë Postës të marrë shërbimet që i ka secili operator postar në rajon dhe më gjerë (pensionet dhe skemat e ndryshme sociale, shpërndarja e faturave për shërbime publike si dhe themelimi i Post-Bankës)”, thuhet në njoftim.

Sipas njoftimit, greva do të pasohet edhe me veprime të tjera sindikale deri në realizimin e plotë të kërkesave të punëtorëve të PK Sh.A, për të cilat do të ketë njoftime me kohë.


Shtuar më 07/09/2018, ora 16:03

Shkruani komentin tuaj!
Të fundit nga kjo kategori