Pesë anëtarë të një ekipi grek të ndihmës humanitare, të dërguar në Libi pas përmbytjeve shkatërruese që goditën Dernën, kanë humbur jetën në një aksident rrugor, tha ushtria greke ditën e sotme.
“Pesë trupa, duke përfshirë tre zyrtarë të ushtrisë greke dhe dy përkthyes nga ministria e jashtme greke që ishin pjesë e ekipit të ndihmës, do të riatdhesohen në Athinë sot”, thanë shefat e shtabit grek në një deklaratë.
Video | A bus transporting #Greek Rescue Team has an accident on Marawa road on its way to the #flood-effected #Derna city, killing 7 people & wounding 6.
The #Libya Update pic.twitter.com/Pcvqm4fnld
— The Libya Update (@TheLibyaUpdate) September 17, 2023
Autoritetet libiane deklaruan të dielën se katër persona kishin vdekur në një aksident, ku ekipi grek po udhëtonte nga Bengazi për në Derna, 300 kilometra (185 milje) në lindje. Ministri libian i shëndetësisë, Othman Abdeljalil, tha se aksidenti ndodhi kur një automjet me 19 anëtarë të ekipit grek u përplas me një makinë që transportonte një familje libiane. Tre persona në makinën e familjes vdiqën dhe dy u plagosën rëndë, tha ai.
Greqia kishte dërguar ndihma humanitare të dielën në zonat e Libisë, të goditura nga përmbytjet vdekjeprurëse të “Stuhisë Daniel”. Ndihma përfshinte staf mjekësor dhe infermieror, si dhe furnizime mjekësore dhe ushqime./Albeu.com/
