Në Deçan protestohet me 16 qershor
Lidhja e Historianëve të Kosovës “Ali Hadri” dega në Deçan po vazhdon edhe më tej përpjekjet për tërheqjen e nënshkrimit nga vendimi për faljen e pronave të manastirit në këtë komunë. Ata bëjnë të ditur se 16 qershor, në ditën e çlirimi të Deçanit, do të protestohet kundër këtij vendimi.

Në një komunikatë për media thuhet se Lidhja e Historianëve të Kosovës “Ali Hadri” është duke e përcjellur me interes të shtuar procesin për kundërshtimin e Aktgjykimit të Gjykatës Kushtetuese të Republikës se Kosovës të datës 20 maj 2016, për faljen e pronave të Ndërmarrjeve publike “Apiko” dhe “Iliria” për Manastirin e Deçanit.

"Lidhja e Historianëve të Kosovës “Ali Hadri” dega në Deçan, i benë thirrje publike tri gjykatësve shqiptarë të Gjykatës Kushtetuese Arta Rama-Hajrizi, Selvete Gërxhaliu-Krasniqi, Gresa Caka-Nimani si dhe gjykatësit Altay Suroy, që të tërheqin nënshkrimet nga Aktgjykimi Nr.943/16, i cili është vendim anti kushtetues dhe i bazuar në vendimet e kohës se masave të dhunshme. Ne vlerësojmë se vendimi i kushtetueses është marrë në presionin e faktorit ndërkombëtar dhe atij vendor, andaj me tërheqjen e nënshkrimeve të gjykatësve Arta Rama-Hajrizi, Selvete Gërxhaliu-Krasniqi, Gresa Caka-Nimani si dhe gjykatësit Altay Suroy, është një dëshmi se ata janë kundër legjitimit të vendimeve të kohës se Milliosheviqit", thuhet në komunikatë.

Lidhja e Historianëve të Kosovës “Ali Hadri” dega në Deçan, e përsërit edhe një herë qëndrimin e saj, se vendimi i kushtetueses i bazuar në ligjet e kohës se masave të dhunshme është në kundërshtim me vullnetin e gjithë qytetarëve të Komunës se Deçanit. Prandaj si i tillë ky vendim nuk do të zbatohet.

Në fund të kësaj komunikate, Lidhja e Historianëve të Kosovës “Ali Hadri” dega në Deçan, i bënë thirrje publike të gjithë qytetarëve të Komunës se Deçanit por edhe më gjerë që me datën 16 qershor 2016, pikërisht në përvjetorin e çlirimit të qytetit të Deçanit, të bashkohemi në protestën e madhe në kundërshtim të vendimit anti-kushtetues dhe anti-ligjor të Gjykatës Kushtetuese të Republik ës se Kosovës, protestë kjo e thirrur nga kryetari i Komunës se Deçanit, Rasim Selmanaj dhe Komisioni Komunal i ngritur nga Kuvendi i Komunës se Deçanit. /albeu.com/



Shtuar më 06/06/2016, ora 10:38
Shkruani komentin tuaj!
Të fundit nga kjo kategori