Ndërron jetë piktori i shquar shqiptar, Gjelosh Gjokaj
Akademiku, artisti më i talentuar i arteve pamore, piktori i mirënjohur shqiptar Gjelosh Gjokaj ka ndërruar sot jetë në orën 07:15 në një spital të Bayernit.

Gjelosh Gjokaj lindi në vitin 1933 në Milesh të Tuzit në Mal të Zi.

Shkollën e Mesme të Artit dhe më pas, studimet e larta në Akademinë e Artit i kreu në Beograd dhe u diplomua më 1963.

Në vitet 1964-1969 themeloi degën e grafikës në Shkollën e Lartë Pedagogjike të Prishtinës. Nga viti 1969 deri më 1983, punoi dhe jetoi në Romë, ndësa prej 1983 jetoi në Augsburg, Gjermani.

Ai ishte antari i jashtëm i Akademisë së Shkencave dhe të Arteve të Kosovës, dhe themelues i shkollës së artit pamor-grafikës në Prishtinë.

Gjokaj la pas më shumë se 3 mijë vepra në pikturë e grafikë.

Për largimin e tij kanë shprehur ngushëllime dhe mirënjohje artistë, politikanë dhe artëdashës.

Edhe presidenti i vendit Hashim Thaçi ka shprehur ngushëllimet e tij për vdekjen e piktorit shqiptar, i cili në një postim në "Facebook" shkruan:

"U shua njëri nga artistët më të talentuar të arteve pamore dhe të grafikës, piktori i mirënjohur Gjelosh Gjokaj.

Motivet autentike nga bota shqiptare i trajtoi me elegancën e maestros në nivel kombëtar dhe atë ndërkombëtar. U prehtë përjetë në paqe. HTH". /albeu.com/

Shtuar më 25/09/2016, ora 14:25

Shkruani komentin tuaj!
Të fundit nga kjo kategori