Interi mposhtet nga Spezia, një Maldin ndëshkon zikaltrit

Lojtarët e Spezias mundën Interin në stadiumin Alberto Picco në kuadër të javës së 26-të të Serisë A me rezultat 2-1, duke i dhënë fund një serie prej shtatë ndeshjesh radhazi në kampionat pa triumf.


Ky ishte triumfi i parë në histori i skuadrës së Spezias përballë zikaltërve. Një përballje që do të mbahet mend gjatë, teksa u akorduan 3 penallti. Të parën e humbi Lautaro Martinez, ndërkohë që shënuan Lukaku dhe Nzola. Golin e avantazhit për vendasit e shënoi Daniele Maldini, djali i legjendës Paolo Maldini.

Ndërkohë për sa i përket mesfushorit Kristjan Asllani, trajneri Inzaghi vazhdon të mos e preferojë, teksa nuk i besoi asnjë minutë.


Shtuar 10.03.2023 23:09