Tusk përkrah rrugën eurointegruese të Kosovës
Kryeministri i Republikës së Kosovës, Isa Mustafa, i shoqëruar nga ministri i Jashtëm, Hashim Thaçi dhe ministri i Integrimit Evropian, Bekim Çollaku, u takua në Nju Jork me presidentin e Këshillit Evropian, Donald Tusk.

Në këtë takim kryeministri Mustafa theksoi angazhimin e Qeverisë së Kosovës për zhvillim ekonomik, hapjen e vendeve të reja të punës, reforma të gjithëmbarshme dhe fuqizim të shtetit ligjor.

Gjithashtu Mustafa veçoi përkushtimin e Qeverisë së Kosovës për proceset euro-integruese, duke theksuar se Kosova i ka përmbushur kriteret për nënshkrimin e Marrëveshjes së Stabilizim Asociimit (MSA) dhe për liberalizimin e vizave, dhe se tashmë pret finalizimin e këtyre dy proceseve.

Ndër të tjera ai e ka njohur presidentin Tusk edhe për proceset tjera aktuale në Kosovë, duke kërkuar përkrahje të mëtejshme të Bashkimit Evropian.

Ndërkohë nga ana tjetër presidenti i Këshillit Evropian, Donald Tusk, vlerësoi progresin në Kosovë si dhe hapat e ndërmarrë për zhvillimin e vendit. Ai ka shprehu përkrahje për rrugën integruese evropiane të Kosovës.

Ndërkaq, në këtë takim është biseduar edhe për proceset e tjera të rëndësishme, duke përfshirë edhe krizën e fundit të refugjatëve. /albeu.com/
Shtuar më 28/09/2015, ora 09:19

Shkruani komentin tuaj!
Të fundit nga kjo kategori