Kryeministri Isa Mustafa priti në një takim lamtumire ambasadorin e deritashëm të Kroacisë në Kosovë, Zoran Vodopija.

Siç bëhet e ditur në një njoftim nga kryeministria, Mustafa e falënderoi ambasadorin për kontributin e tij personal dhe të shtetit kroat për Kosovën, duke i uruar ambasadorit suksese në angazhimet e mëtejshme.

"Kryeministri Isa Mustafa vlerësoi përkrahjen e Kroacisë për Kosovën, veçmas në proceset eurointegruese, duke shprehur përkushtimin e Qeverisë së Kosovës për zgjerimin e mëtejshëm të bashkëpunimit ndërmjet dy vendeve", thuhet ndër të tjera në njoftim.

Më tej shtohet se, ambasadori Zoran Vodopija falënderoi kryeministrin Isa Mustafa për bashkëpunimin e ofruar gjatë misionit në Kosovë, duke shprehur përkrahje të mëtejshme për Kosovën. /albeu.com/