Mustafa garanton se projektligji për ushtrinë do të dërgohet në Kuvend brenda afatit
Kryeministri Isa Mustafa ëshëts shprehur se Projektligji për FSK-në do të dërgohet në Kuvend brenda afatit ligjor, duke shtuar se këtë do ta bëjnë në bashkëpunim të plotë me partnerët ndërkombëtarë.

“Ky projektligj në afatin ligjor do të kthehet në rrugën përkatëse. Opinionet janë marrë dhe janë duke u realizuar në Zyrën e Kryeministrit pra në zyrat përkatëse dhe ajo do të arrijë në kuvend në afatin ligjor”, citon 'Ekonomia Online' të ketë deklaruar kryeministri.

Mustafa po ashtu ka siguruar se i gjithë procesi për transformimin e FSK-së në ushtri do të bëhet në partneritet dhe koordinim të plotë me ShBA-në, NATO-n, si dhe institucionet vendore.

“Unë jam i bindur që ushtria duhet të bëhet, por këtë do ta bëjmë dhe duhet ta bëjmë në bashkëpunim dhe partneritet edhe me Shtetet e Bashkuara të Amerikës të Nato-s sepse edhe ashtu e kemi themeluar si FSK-në, e kemi ndërtuar në partneritet të plotë me SHBA-të dhe NATO-n. Unë mendoj se në këtë formë duhet të vazhdohet dhe askush nuk ka dëshirë që t’i ikë këtij partneriteti sepse vetëm në këtë formë ne do ta keni një ushtri të mirëfilltë dhe unë mendoj se do të kemi një koordinim të gjitha institucioneve të Republikës së Kosovës që kjo të bëhet në këtë formë dhe do të arrijmë ta bëjmë ushtrinë", ka deklaruar kreu i Qeverisë gjatë një vizite që realizoi në Mitrovicë. /albeu.com/

Shtuar më 24/03/2017, ora 17:33

Shkruani komentin tuaj!
Të fundit nga kjo kategori