Murati: Mister paraqitja e Xhabir Zharkut në Suedi
Ministri i Diasporës, Valon Murati ka thënë se Xhabir Zharku, ish-kryetari i Kaçanikut që aktualisht gjendet në arrati, është paraqitur në një aktivitetSuedi të një organizate jo-qeveritare që mbështetet financiarisht nga Ministria e Diasporës.
Murati, në emisionin "Ekonomia me Erëzën", ka shtuar se aktiviteti për nder të festës së 28 nëntorit nuk është organizuar direkt nga ministria që ai drejton.

"Xhabir Zharku ka marrë pjesë në një aktivitet që është organizuar në qendrën kulturore në Suedi, në një aktivitet të hapur ku kanë qenë 200 persona, ku ftesat kanë qenë publike dhe ku ai ka ardhur, është paraqitur dhe është ulur në atë aktivitet. Qendra Kulturore është një OJQ e regjistruar si OJQ në Suedi, dhe nuk është përfaqësi diplomatike e Kosovës siç ka mundur të mendojë dikush. Qendra e ka një drejtor dhe ai i ka liruar hapësirën për një aktivitet të caktuar dhe kaq. Xhabir Zharku në anën tjetër është një qytetar i lirë i Suedisë", ka deklaruar.

Ish-kryetari i Kaçanikut ka ikur nga Kosova me qëllim që të mos vuaj një dënim prej tre vitesh burg të shqiptuar nga një gjykatë kosovare.

Vitin e kaluar, më 28 nëntor, ai është parë duke marrë pjesë në një aktivitet të shqiptarëve të Suedisë ku nuk mungonin as qeveritarë nga Kosova. /albeu.com/
Shtuar më 19/01/2016, ora 12:36

Shkruani komentin tuaj!
Të fundit nga kjo kategori