Moti i keq, shënohet viktima e dytë nga i ftohti në Kosovë
Një person ka humbur jetën si pasojë e të ftohtit duke e cuar në dy numrin e të vdekurve nga i ftohti në Kosovë.

Dyshohet se shtetasi në fjalë ka qenë i pastrehë dhe me aftësi të kufizuara mendore.

Ngjarja ka ndodhur në afërsi të fshatit Landovicë të Prizrenit.

Sipas Policisë së Kosovës, rasti është evidentuar të hënën rreth orës 3 të mëngjesit.

"Në rrethana të panjohura është gjetur pa shenja jete viktima mashkullk-shqiptar", shkruan sot "Koha Ditore".

Zëdhënësi i Policisë rajonale të Prizrenit, Hazir Berisha, ka bërë të ditur se një patrullë e policisë të hënën në mëngjes ka hasur trupin e pajetë të personit me inicialet A.O. afër një pompe karburantesh, në fshatin Landovicë. /albeu.com/
Shtuar më 11/01/2017, ora 11:46

Shkruani komentin tuaj!
Të fundit nga kjo kategori