Molliqaj i kërkon Kurtit që të mos kandidojë për kryetar të VV-së
Pëlqej
Shtatë orë ka zgjatur mbledhja e Kryesisë së VV-së, por askush nga zyrtarët e VV-së – përjashtuar kryetarin Visar Ymeri që kundërshtoi disa lajme në media – nuk është prononcuar për media për atë që është folur brenda.

Mbledhja që filloi në orën 14:00 u thirr pas lajmeve për problemeve të brendshme në parti, që u nxitën pas fyerjes së deputetit dhe ish-kryetarit të këtij subjekti, Albin Kurti, nga deputetja Aida Dërguti.

Shumë pjesëmarrës të këtij takimi, kanë vendosur që të bëjnë postime në profilet e tyre, por pa dhënë detaje për atë që është diskutuar në mbledhje. Megjithatë, burimet e KTV-së mësojnë për diskutime të tensionuara gjatë të cilave Dardan Molliqaj krkon që Albin Kurti të mos kandidojë për kryetar të partisë, për shkak të mospajtimeve me të dhe të krahut të tij.

Visar Ymerit mandati i kryetarit të partisë i kalon në janar. Këshilli i Përgjithshëm i VV-së, më 2015 ka shpallur sot rezultatet zyrtare të zgjedhjeve të brendshme për kryetar të saj. Me 96.42 për votave për, Visar Ymeri ishte shpall zyrtarisht kryetar i këtij subjekti.

Kujtojmë se sot gjatë ditës, Aida Dërguti përmes një njoftimi në Facebook, ka bërë publike dorëheqjen e saj nga kryesia e VV-së dhe nga pozita e kryetares së VV-së në Vushtrri.
Shtuar më 11/12/2017, ora 23:49

Shkruani komentin tuaj!
Të fundit nga kjo kategori