MMPH nis hetimin për zhdukjen e 30 milionë eurove
Mbi dyshimet e humbjes së 30 milionë eurove të buxhetit të Kosovës, duket se Ministria e Mjedisit dhe e Planifikimit Hapësinor (MMPH), ka nisur hetimet.

Ky është një vendim që është marrë duke u nisur nga kërkesa që është bërë nga tre udhëheqës të divizioneve brenda kësaj ministrie i kanë bërë ministrit Ferid Agani për të shkarkuar udhëheqësin e Departamentit të Ujërave, Naser Bajraktari.

MMPH-ja ka formuar një grup ad hoc. Në letrën 6 faqe me akuza të adresuara ndaj Bajraktarit, pos të tjerash, theksohet se “në periudhën 6-vjeçare, gjatë ushtrimit të detyrës si udhëheqës i Departamentit të Ujërave, si rezultat i paaftësisë profesionale, neglizhencës së rëndë ose veprimeve të qëllimshme e të paligjshme, Bajrakatari i ka shkaktuar dëme mbi 30 milionë euro buxhetit të Kosovës”. /albeu.com/
Shtuar më 09/04/2015, ora 10:03

Shkruani komentin tuaj!
Të fundit nga kjo kategori