Ministria e Infrastrukturës nuk lejon qasje në kontratat milionëshe
Lëvizja FOL e ka cilësuar si të kufizuar qasjen në dokumentacionin e kontratave për tenderë me vlera të larta.

Sipas raportit të monitorimit tremujor të prokurimit publik në Ministrinë e Shëndetësisë (MSH), Ministrinë e Infrastrukturës (MI) dhe Ministrinë e Tregtisë dhe Industrisë (MTI), që kjo organizatë e ka publikuar të premten, kjo tregon se procesi i prokurimit mbetet jotransparent dhe i paqasshëm për publikun, shkruan sot “Koha Ditore”.

Hulumtuesja nga Lëvizja FOL, Gresa Smolica, e cila e ka prezantuar raportin, ka thënë se kanë monitoruar procesin e prokurimit duke u nisur nga planifikimi i aktivitetit të prokurimit, e deri tek nënshkrimi i kontratës dhe implementimi i aktivitetit.

Mirëpo, sipas saj, jo të gjitha ministritë që janë monitoruar kanë qenë transparente. Ka qenë Ministria e Infrastrukturës ajo që deri më tani nuk iu ka dhënë qasje në asnjë kontratë të kërkuar.
Shtuar më 02/12/2017, ora 08:06

Shkruani komentin tuaj!
Të fundit nga kjo kategori