Ministri Agani vizitoi Institutin e Onkologjisë
Dr. Ferid Agani, Ministër i Shëndetësisë i Republikës së Kosovës vizitoi sot Institutin Onkologjik të Kosovës.

Gjatë vizitës ministri Agani është njohur nga afër me punën, sfidat, sukseset dhe problemet me të cilat përballet stafi dhe pacientët që kërkojnë ndihmë mjekësore.

Dr. Behxhet Osmani, UD Drejtor i Institutit Onkologjik shprehet se në Institutin e Onkologjisë është bërë dhe po bëhet punë pozitive.

Drejtori i Onkologjisë shprehet se falë mbështetjes së menaxhmentit të QKUK-së dhe Ministrisë së Shëndetësisë është arritur të kompletohet me aparatura dhe shërbime, pasi jashtë vendit kanë kërkuar shërbim vetëm 22 raste. Megjithëatë në QKUK nuk ofrohet shërbimi i brahiterapisë, për të cilën është bërë kërkesë për t'u paisur me aparaturën përkatëse dhe kjo pritet të ndodhë së shpejti.

Ministri i Shëndetësisë, Dr. Ferid Agani, përgëzoi drejtorin dhe stafin e Institutit të Onkologjisë për punën e bërë.

“Kërkesat tuaja do t’i marrim me seriozitet të madh, përgëzime, me punën që keni bërë që shumë pacientë të mos shkojnë jashtë vendit për trajtim. Ne bashkërisht do të arrijmë të tejkalojmë sfidat, nga ky vit ju do të keni mundësi të siguroni të ardhura vetiake".

Sipas Ministrit nga ky vit institucionet shëndetësore do të kenë mundësi të menaxhojnë vetë buxhetin për barna, material shpenzues dhe citostatikë.

Dr. Nijazi Gashi, drejtor i QKUK-së, tha se Instituti Onkologjik është krenaria e QKUK-së. Ai shpjegoi se ka përkrahur dhe do të përkrahë vazhdimisht Institutin e Onkologjisë, në mënyrë që puna e stafit të jetë më lehtë dhe pacientët të marrin shërbimin e duhur. /albeu.com/
Shtuar më 22/01/2014, ora 16:12
Shkruani komentin tuaj!
Të fundit nga kjo kategori