Mësuesi ngacmon seksualisht nxënësen 11-vjeçe nga Ferizaj
Drejtoria komunale e arsimit në Ferizaj ka shkarkuar nga puna mësuesin me iniciale M.S. në shkollën fillore "Ahmet Hoxha" në Ferizaj, pasi dyshohet se ka ngacmuar seksualisht nxënësin e tij, 11 vjeç me iniciale A.A.

Mësuesi M.S. është akuzuar dy vjet më parë, kur ai jepte mësim në shkollën e fshatit Manastirc, ndërsa gjykata e ka shpallur të pafajshëm për shkak të mungesës së provave, shkruan sot "Koha Ditore".

Me rekomandim të Drejtorisë për arsim, M.S. është transferuar në shkollën fillore "Ahmet Hoxha", por as në këtë shkollë duket se ai nuk ka ndaluar ndaj ngacmimeve, duke ngacmuar seksualisht nxënësen me iniciale A.A.

Drejtori i Arsimit, Muhamet Halili, ka njoftuar se tashmë ka marrë vendimin për shkarkimin e tij nga detyra, ndërkohë policia po vazhdon hetimet për zbardhjen e plotë të ngjarjes. /albeu.com/


Shtuar më 15/05/2017, ora 11:53

Shkruani komentin tuaj!
Të fundit nga kjo kategori