Mes Sejdiut dhe Mustafës, gara për kryetar të LDK-së
Pëlqej
Kuvendi i VII zgjedhor i Lidhjes Demokratike të Kosovës ka nisur punimet në orën 11:14, ku 355 delegatë do të vendosin për zgjedhjen e strukturave udhëheqëse, kryetarit dhe këshillit të përgjithshëm të partisë.

Kuvendi është hapur me intonimin e himnit shtetëror të Kosovës dhe atij të ish-presidentit Ibrahim Rugova, ndërkohë që delegatët kanë brohoritur “Isa, Isa...” në momentin e hyrjes së kreut aktual të partisë, Fatmir Sejdiu, dhe kryetarit të Prishtinës, Isa Mustafa.

Kryesues i punimeve është emëruar akad.Sabri Hamiti, anëtar i kryesisë së LDK-së ku prezantoi kandidatët për kreun e LDK, Fatmir Sejdiun dhe Isa Mustafën.

Më pas u krijua komisioni verifikues me në krye Ramë Manajn. Manaj në emër të Komisionit verifikues, pas rritjes së numrit të degëve dhe të anëtarësisë së LDK-së nga 355 delegatë të bëhen 365, ndërsa të pranishëm janë 359 delegatë.

Punimet e Kuvendit të LDK-së është duke i ndjekur dhe ambasadori amerikan Christopher Dell dhe nënkryetari i AAK-së Blerim Shala.
Shtuar më 07/11/2010, ora 12:00
Shkruani komentin tuaj!
Të fundit nga kjo kategori