Mediat serbe raportojnë për çeljen e fushatës elektorale në Kosovë
Hapjen e fushatës për zgjedhjet e 11 qershorit e kanë përcjellë edhe mediat në Serbi.

Blici serb ka raportuar për hapjen e fushatës nga koalicioni më i madh në vend PDK-AAK-Nisma.

Media në fjalë e ka cituar kreun e PDK-së, Kadri Veselin i cili para simpatizantëve ka thënë se populli i Kosovës mbetet i bashkuar për të lëvizur përpara në një rrugë të re.

Ndërsa, kandidati për kryeministër nga ky koalicion, Ramush Haradinaj ka thënë se qytetarët e Kosovës janë ata që e ruajnë vendin e tyre për mijëra vjet.

Koalicioni LDK-AKR-Alternativa hapjen e fushatës e bëri në qytetin e Podujevës ndërsa Lëvizja Vetëvendosje filloi nga Gjilani, transmeton Lajmi.net.

Po ashtu, mediat si Tanjug, B92, Telegraf, etj., kanë raportuar për hapjen e fushatës në Kosovë. /albeu.com/
Shtuar më 31/05/2017, ora 19:15

Shkruani komentin tuaj!
Të fundit nga kjo kategori