McCain pro Ushtrisë së Kosovës, por përmes ndryshimeve kushtetuese
Senatori amerikan, John McCain i cili mbajti sot një fjalim para politikanëve të Kosovës, ka trajtuar një sërë cështjesh, ku gjithashtu theksoi se përkushtimi i Shteteve të Bashkuara të Amerikës për Kosovën është i vazhdueshëm.

McCain foli edhe për transformimin e Forcës së Sigurisë së Kosovës, ku tha se është pro formimit të saj, por përmes ndryshimeve kushtetuese.

Senatori amerikan foli gjithashtu edhe për rëndësinë e miratimit të Marrëveshjes së Demarkacionit me Malin e Zi, gjë e cila do të sillte liberalizmin e vizave për qytetarët e Kosovës si dhe do të paraqiste një hap të rëndësishme drejt të ardhmes në BE.

Sipas senatorit republikan, angazhimi i SHBA-së për Kosovën është apartiak, pasi sipas tij si republikanët ashtu edhe demokratët angazhohen për këtë pjesë të rajonit.

Ai tha se Kosova ka bërë përparim të rëndësishëm në shumë fusha, sidomos në atë të luftimit të ekstremizmit dhe terrorizmit.

Por sipas McCain,përkundër të arriturave Kosova ka ende shumë punë dhe sfida por që do ta kenë mbështetjen e SHBA-ve.

McCain përmendi edhe nevojën e zhvillimit ekonomik, luftimin e krimit dhe korrupsionit, nevojën e sundimit të ligjit. Ai tha se SHBA përkrah edhe projektin rreth termocentralit Kosova e Re.

Senatori republikan shprehu edhe nevojën e avancimit të dialogut Kosovë-Serbi. Ai tha se dialogu është në interes të Kosovës dhe Serbisë dhe stabilitetit të Evropës Juglindore.

Ai tha se mund të imagjinohet dhimbja dhe pasojat nga lufta, por sipas tij, e vetmja zgjidhje për një të ardhme të sigurt është dialogu dhe pajtimi. /albeu.com/
Shtuar më 13/04/2017, ora 16:40

Shkruani komentin tuaj!
Të fundit nga kjo kategori