Mbyllet fushata në Drenas, ja premtimet kolosale të subjekteve
Është mbyllur të premten fushata zgjedhore për kryetar të Komunës së Drenasit me premtimet të mëdha, që nuk do të mundej t’i realizonte as qeveria e Kosovës brenda një viti.

Kadri Veseli dhe kandidati i PDK-së, Ramiz Lladrovci, kanë premtuar bashkërisht 83 milionë euro investime, ndërsa Pacolli dhe AKR-ja 200 milionë euro. Të tjerët nuk kanë përmendur shifra, por shprehen të sigurt së në Drenas do të ndodhë ndryshimi.

Gjatë fushatës 5-ditëshe subjektet politike, të cilat garojnë me kandidatët e tyre, e kanë “lëshuar dorën” ndërsa vetë kandidatët janë shprehur të sigurt se do të jenë fitues të kësaj gare. Zgjedhësit janë joshur me premtime për investime të mëdha të cilat do t’i mbajnë, “natyrisht nëse kandidatët e tyre fitojnë garën”, shkruan gazeta Zeri.

Më të bindshëm në premtimet e tyre janë PDK-ja, e cila garon me Ramiz Lladrovcin, dhe AKR-ja që kandidon me Ilmi Thaçin. Ata edhe kanë premtuar investime të mëdha në Drenas nëse arrijnë të fitojnë. Kadri Veseli dhe kandidati i PDK-së, Ramiz Lladrovci, kanë premtuar bashkërisht 83 milionë euro investime, ndërsa Pacolli dhe AKR-ja 200 milionë euro investimeDrenas./albeu.com/

Shtuar më 03/12/2016, ora 09:53
Shkruani komentin tuaj!
Të fundit nga kjo kategori