Mblidhet Këshilli i Sigurisë Kombëtare
Me kërkesë të presidentit Hashim Thaçi, kryeministri Albin Kurti e ka thirrur mbledhjen e Këshillit të Sigurisë Kombëtare.

Në këtë mbledhje – që nisi në orën 20:00 – pritet të diskutohet për masat që duhet të ndërmarrë shteti karshi pandemisë koronavirus që ka përfshirë edhe Kosovën.

Këshilli i Sigurisë Kombëtare kryesohet nga kryeministri Albin Kurti, derisa pjesë përbërëse janë edhe drejtuesit e Ministrisë së Mbrojtjes, Ministrisë së Punëve të Brendshme, Ministrisë së Financave, Ministrisë së Drejtësisë dhe të tjera.

Pjesë e këtij këshilli janë edhe drejtori i AKI-së dhe ai i Agjencisë së Menaxhimit të Emergjencave.

Sipas Kushtetutës së Kosovës, Këshilli i Sigurisë i RepublikësKosovës kryesohet nga Kryeministri me mbështetje nga Qeveria, përveç gjatë periudhës së Gjendjes së Jashtëzakonshme.

Gjatë Gjendjes së Jashtëzakonshme, Këshilli i Sigurisë i RepublikësKosovës drejtohet nga Presidenti i RepublikësKosovës, sikur rregullohet me ligj.

Këshilli i Sigurisë i RepublikësKosovës, në bashkëpunim me Presidentin e RepublikësKosovës dhe Qeverinë, përgatit strategjinë e sigurisë për Republikën e Kosovës. Këshilli i Sigurisë i RepublikësKosovës ka edhe rol këshillues në të gjitha çështjet që kanë të bëjnë me sigurinë në Republikën e Kosovës.

Ky këshill, vetëm gjatë Gjendjes së Jashtëzakonshme, ushtron funksione ekzekutive që kufizohen në funksionet që ndërlidhen në veçanti me Gjendjen e Jashtëzakonshme.

Shtuar më 17/03/2020, ora 20:35

Shkruani komentin tuaj!
Të fundit nga kjo kategori