Marrëveshjet në bllokadë, opozita për ndërprerje të dialogut me Serbinë
Thuajse të gjithë marrëveshjet e arritura në dialogun Serbi-Kosovë në Bruksel janë në bllokadë totale. E pafuqishme përballë obstruksioneve të vazhdueshme të fqinjit verior, Qeveria e Kosovës ka zgjedhur t’i ankohet Bashkimit Evropian, shkruan sot Koha Ditore.

Shkelje të afateve në të gjitha ujditë e arritura deri më tani janë konstatuar në raportin prej 31 faqesh të ministres për Dialog, Edita Tahiri, që për adresë ka shefen për Politikë të Jashtme të BE-së, Federica Mogherini.

Aty Qeveria ka shprehur zotimin se nuk do të ketë zbatim të marrëveshjes për themelimin e Asociacionit, në të cilën po këmbëngul Serbia, përderisa nuk largohet barrikada park mbi lumin Ibër e nuk shuhen të gjitha strukturat paralele. /albeu.com/
Shtuar më 20/06/2016, ora 09:09
Shkruani komentin tuaj!
Të fundit nga kjo kategori