Në një deklaratë të Presidencës së Republikës së Malit, ky shtet njofton se ajo akoma nuk e ka njohur Republikën e Kosovës.

“Presidenca dëshiron kategorikisht të dënojë këtë gënjeshtër që e dëmton imazhin e Malit”, thuhet në deklaratën e Presidencës së Malit, të cilën e transmeton Global Times.

“Presidenca e Malit dëshiron të informojë gjithë komunitetin kombëtar dhe ndërkombëtar se presidenti nuk ka nënshkruar ende ndonjë dokument që njeh Republikën e Kosovës dhe rezervon të drejtën për të marrë masat e duhura për të identifikuar dhe ndëshkuar autorët e dokumentit të rrem”, përfundon deklarata.

Të premten e kaluar, Zv.kryeministri Behgjet Pacolli ka njoftuar përmes një konference për shtyp se MJ ka marrë notën verbale ku Republika e Malit ka njoftuar se ky shtet ka pranuar Republikën e Kosovës. /albeu.com/