Ish-kryeministri i Shqipërisë, Pandeli Majko deklaron se me rikthimin e fytyrave të vjetra dhe politikës së agresivitetit në Beograd, politika në Kosovë dhe Shqipëri e ka më të lehtë të nxjerrë në pah dhe të demaskojë politikën e vërtetë të Beogradit zyrtar.

Në një intervistë për "Radio Kosovën", deputeti i Partisë Socialiste të Shqipërisë, Pandeli Majko tha se në asnjë mënyrë nuk duhet të mendohet për ndryshim kufijsh apo shkëmbim territoresh sepse kështu do të fitonte vetëm Serbia dhe politiakt e saj gllabëruese.

Deklarata e ish-kryeministrit të Shqipërisë vjen në një kohë kur faktori ndërkombëtar po i kërkon Kosovës dhe Serbisë nisjen e dialogut për arritjen e të gjitha marrëveshjeve që do të dalin nga këto bisedime. /albeu.com/