Më 1 shkurt raundi tjetër i dialogut Kosovë-Serbi, marrin pjesë vetëm kryeministrat
Do të mbahet më 1 shkurt raundi tjetër i dialogut mes Kosovës dhe Serbisë.

Lajmin e ka bërë të ditur përfaqësuesja e Lartë e Bashkimit Evropian për Politikën e Jashtme, Federica Mogherini.

Në takim janë ftuar vetëm kryeministri i Kosovës, Isa Mustafa dhe ai i Serbisë, Aleksandar Vuçiç, dhe jo presidenti i Kosovës Hashim Thaçi dhe ai serb Tomislav Nikoliç.

Në takimin e ardhshëm do të diskutohen çështjet e pazgjidhura, marrëveshjet që janë arritur në të kaluarën si dhe për të ardhmen e dialogut.

"Përfaqësuesja e Lartë pret me padurim vazhdimin e diskutimeve, për çështje me rëndësi dhe diskutimet për zbatimin e marrëveshjeve të arritura më herët si dhe që çojnë përpara dialogun.

Progresi drejt BE-së është i lidhur për të dyja, për Kosovën dhe Serbinë, përbrenda dialogut", thuhet në njoftimin e zyrës së Mogerinit. /albeu.com/

Shtuar më 29/01/2017, ora 08:39

Shkruani komentin tuaj!
Të fundit nga kjo kategori