LVV: Jemi në proces të konkretizimit të bashkëpunimit me nismën e Osmanit
Lëvizja Vetëvendosje nuk ka bërë koalicion parazgjedhor me asnjë nga subjektet politike. Megjithatë, VV thotë se është hapur për bashkëpunim me disa figura të rëndësishme politike.

Zëdhënësi i partisë, Përparim Kryeziu është shprehur se tashmë ka një modalitet të bashkëpunimit të tillë me Alternativën e Mimoza Kusari-Lilës, raportojnë mediat vendase.

Ai ka shtuar se ngjashëm ka vullnet edhe gatishmëri për një bashkëpunim edhe me Vjosa Osmanin.

“Ngjashëm ka një vullnet, disponim dhe gatishmëri, për një bashkëpunim edhe me znj. Osmani dhe nismën e saj, për çka ka një proces në zhvillim e tutje mbi formën apo modalitetin e konkretizimit të tij”, tha Kryeziu.

Kryeziu shtoi se bashkëpunimi me ta është i bazuar mbi logjikën e qëllimeve të përbashkëta dhe mirëbesimit të ndërsjellë që synon dhe garanton shumicën parlamentare pas zgjedhjeve të 14 shkurtit, por edhe që përfundimisht mundëson kapërcimin e madh dhe ndryshimin e nevojshëm për vendin tonë.
Shtuar më 14/01/2021, ora 10:13

Shkruani komentin tuaj!
Të fundit nga kjo kategori