Analisttë politikë mendojnë se politikanët kanë ambicie të tepruara për pushtet personal dhe nuk mendojnë aq për shtetndërtimin e Kosovës.

Ata thonë se nëse vërtetë politikanët do të punonin për shtat dhe jo për pushtet, nuk do të kishte ngërç politik, siç po ndodh që pas zgjedhjeve të 8 qershorit.

Analisti politik dhe sociologu Dukagjin Gorani ka deklaruar se Kosovës i është shkaktuar një dëm i konsiderueshëm për shkak të ngërçit politik, shkruan "Epoka e Re".

Ndërsa, analisti tjetër politik, Arton Muhaxhiri thotë se partitë politike janë treguar të papërgjegjshme në raport me formimin e institucioneve dhe interesin e qytetarëve dhe kjo situatë, sipas tij, mund të ketë pasoja në fushën e arsimit, të shëndetësisë dhe në integrimet evropiane. /albeu.com/