Lista Serbe fiton në komunat serbe
Partia, Lista Serbe e cila mori mbështetje nga zëvendës kryeministri serb, Alexander Vucic ka fituar zgjedhjet në shumicën e komunave të jugut të minoritetit serb, ndërsa në Mitrovicën veriore dhe në komunat Zubin Potok dhe Zveçan sipas të gjitha gjasave do të këtë përsëritje të zgjedhjeve.

Kështu Lista Serbe më gjasë nuk do të udhëheqë Shtërpcën, pasi Bratislav Nikolic i SLS ka fituar 41.59 për qind të votave, kurse ai i Listës Serbe 38.97 për qind.

SLS mund të hyjë në një koalicion me Partinë Demokratike të Kosovës, kandidati i së cilës për kryetar ka 9.31 për qind të votave.

Por, ndryshe pritet që të jetë gara në Graçanicë, ku Lista Serbe dhe kandidati i saj Branimir Stojanovic ka fituar 48. 91 të votave, kurse Bojan Stojanovic i Savez Kosovskih Srba ka 35.02 për qind të votave.

Kështu në Graçanicë pritet të këtë balotazh, kurse sigurisht rolin kryesor për kryetarin e Graçanicës pritet ta luajnë votuesit e SLS-së të cilët kanë fituar vetëm 14 për qind të votave.

Lista Serbe po ashtu është e para në Ranilug, ku kandidati i saj Gradimir Mikic ka fituar 39.94 për qind kurse ai i Srpska Narodna Partija Kosova SNPK, është i dyti me 36.72 për qind. Edhe në këtë komunë rol të madh për kryetarin e ri do të luaj partia SLS.

Në Partesh pritet të këtë balotazh mes partive serbe. Kandidati i SLS, Nenad Cvetkovic, ka fituar 45,81 për qind dhe do të jetë në balotazh me Dragan Nikolicin e Listës Serbe që ka fituar 33,97 për qind.

Edhe në Kllokot pritet të këtë garë mes Listës Serbe dhe SLS-së. Srecko Spasic është para kandidatit të SLS-së pasi ka 35,39 për qind ndërsa kundërshtari ka 29,17%.

PDK në Kllokot është e treta me 16.42 dhe rezultati edhe në këtë komunë mund të përmbyset.

Por në përgjithësi nga komunat serbe që kanë votuar del së përqindja është më e mirë për Listën Serbe, e cila është në balotazh në shumicën prej tyre kurse ka shumicën e ulëseve edhe nëpër asamble komunale. /albeu.com/
Shtuar më 04/11/2013, ora 17:02

Shkruani komentin tuaj!
Të fundit nga kjo kategori