Limaj: Për komunikatën duhet të pyeten anëtarët e Shtabit të Përgjithshëm të UÇK-së
Fatmir Limaj, ish-komandanti i Brigadës 121 të Zonës Operative të Pshtrikut të UÇK-së, në një intervistë për emisionin “Drejtësia në Kosovë”, ka folur për Shtabin e Përgjithshëm të UÇK-së në rastin e Bellanicës.

“Shtabi i Përgjithshëm ka qenë Hashimi (Thaçi), Kadria (Veseli), Rexhep Selimi, Azem Syla, Xhavit Haliti, Sokol Bashota dhe ata bile janë njohur si përfaqësues të shtabit”, theksoi Limaj, shkruan Kallxo.com.

Ai tha se kur ka dalë komunikata e Shtabit e cila merr përsipër vrasjet e Ramiz Hoxhës dhe Selman Binishit nga rrethina e Malishevës, “ne kemi heshtur”.

“Kur ka dalë komunikata ne kemi heshtë dhe më nuk kemi fol për atë komunikatë; nuk kemi fol për këtë rast. Në të kaluarën, kur komunikatat e UҪK-së kanë marrë përgjegjësi për një rast, nuk është diskutuar më për atë rast nga të tjerët; e ka marrë organi ma i lartë”, theksoi Limaj.

“Duke e parë këtë, ne kemi mendu që kjo është marrë nga organi ma i lartë i ShtabitPërgjithshëm, për faktin se ashtu ka qenë komunikata. E tash, a ka qenë e ShtabitPërgjithshëm a nuk ka qenë, duhet të pyeten anëtarët e Shtabit”. /albeu.com/

Shtuar më 19/11/2016, ora 09:10
Shkruani komentin tuaj!
Të fundit nga kjo kategori