Ligjvënësit nuk heqin dorë nga pensioni “suplementar”
Pavarësisht nga fakti që Gjykata Kushtetuese e ka cilësuar pensionin “suplementar”, si antikushtetues dhe “dhuratë pas punësimit”, grupi i ligjvënësve që është duke e bërë plotësimin dhe ndryshimin e Ligjit për të drejtat dhe përgjegjësitë e deputetëve, kanë pranuar të bëjnë lëshime vetëm në aspektin e moshës dhe në përqindjet e përfitimeve të mundshme nga pensionet e tilla, por esencialisht, thelbin e ligjit të mëhershëm pretendojnë të mos e ndryshojnë.

Në draftin që është duke u punuar nga Nënkomisioni për mandate, imunitete dhe Rregullore të Punës së Kuvendit, parashihet që mosha e pensionimit të deputetit të jetë 60 vjeç.

Sipas Koha Ditore, me ligjin i cili ishte pezulluar gjatë kohës nga Gjykata Kushtetuese, kjo moshë ka qenë për pesë vjet me e re, apo 55 vjeç. /albeu.com/
Shtuar më 31/10/2012, ora 09:28

Shkruani komentin tuaj!
Të fundit nga kjo kategori