Lëvizja "Vatra" dorëzon listën e kandidatëve për në Gjilan
Lëvizja “Vatra”, ka gati listën e kandidatëve që do të garojnë për Asamblenë Komunale në Gjilan, e cila listë është dërguar 2 javë më parë në KQZ.

Lista përbëhet prej 38 kandidatëve që do të garojnë për vendet e anëtarëve të ri në Kuvendin e komunës së Gjilanit, që do të dal pas zgjedhjeve të 3 nëntorit.

Listës zgjedhore i prinë kryetari i Lëvizjes “Vatra” Sejdullah Kadriu. Lista e “Vatrës” është një listë gjithëpërfshirëse e përbërë nga profile të ndryshme, e mbi të gjitha është e përbërë nga kuadro të cilat nuk kanë qenë aktiv në politikën komunale të Gjilanit.

Gjithashtu të rinjtë e përbëjnë mbi 30% të listës zgjedhore të Lëvizjes Vatra, që është e përbërë nga të rinjtë dhe të rejat nga mosha 20 deri 28 vjeç.

Lëvizja Vatra do të garoj edhe me kandidat për kryetar komune të Gjilanit, e që në ditët në vijim do të bëhet prezantimi i kandidatit të tyre për kryetar. /albeu.com/
Shtuar më 04/09/2013, ora 14:26
Shkruani komentin tuaj!
Të fundit nga kjo kategori