Lidhja Demokratike e Kosovës ka kundërshtuar vendimin e Ministrisë së Arsimit për të ulur pragun e kalueshmërisë në provimin e maturës. Sipas një komunikate për media të LDK-së, ministri Buja edhe me këtë vendim, dëshiron të fshehë dështimin në rritjen e cilësisë në shkollat e Republikës së Kosovës.


“Një vendim i tillë bëhet edhe më i dëmshëm për programet universitare, në të cilat kandidatët regjistrohen pa provim pranues. Lidhja Demokratike e Kosovës kërkon nga Buja që të heq dorë nga vendimet e tilla dhe nga veprimet që e dëmtojnë sistemin e arsimit, thuhet në komunikatë./albeu.com/