Të paktën 500,000 refugjatë ukrainas kanë hyrë në BE deri më tani, tha komisionerja e çështjeve të brendshme të BE, Ylva Johansson pas një vizite në një pikë kufitare midis Rumanisë dhe Ukrainës .
Ministrat i kërkuan të dielën Johansson-it të përgatisë propozime për të nxitur direktivën e mbrojtjes së përkohshme të BE-së, e hartuar pas luftës së viteve 1990 në Ballkan, por që nuk është përdorur kurrë deri më tani.
E krijuar për të trajtuar ardhjet masive të personave të zhvendosur në bllokun 27-vendesh, direktiva parashikon të njëjtin nivel mbrojtjeje në të gjitha shtetet e BE-së, duke përfshirë një leje qëndrimi dhe akses në punësim dhe mirëqenie sociale.
Johansson tha se shpresonte që ministrat e brendshëm të BE-së të bien dakord deri të enjten për skemën e mbrojtjes për ata që ikin nga Ukraina.
