Ministrja e Jashtme e Suedisë Ann Linde thotë se vendi synon të bëjë përparim konstruktiv në bisedimet me Turqinë mbi kërkesën e vendit nordik për t’u bashkuar me NATO-n.
Suedia dhe Finlanda aplikuan për t’u bashkuar me NATO-n muajin e kaluar në dritën e pushtimit rus të Ukrainës, por presidenti turk Rexhep Tajip Erdogan ka deklaruar kundërshtimin e tij ndaj aplikimit.
“Kërkesa jonë ka marrë mbështetje të gjerë midis anëtarëve të NATO-s,” tha Linde në një deklaratë të politikës së jashtme.
“Ambicia jonë është që, në një frymë konstruktive, të bëjmë përparim në çështjet që Turqia ka ngritur,” i tha ajo parlamentit./albeu.com
