Kuvendi i Kosovës ka shkuar në pauzë deri në orën 14:00, si pasojë e mungesës së kuorumit.

Nënkryetari i Kuvendit të Kosovës, Xhavit Haliti ftoi edhe deputetët që po mungojnë të marrin pjesë në seancë pas pushimit.

Përndryshe në këtë seancë është diskutuar për 37 pika të cilat ishin në rend të ditës.

Lidhja Demokratike e Kosovës si dhe Lëvizja Vetëvendosje edhe sot kanë lëshuar seancën derisa po diskutoheshin pikat e para të rendit të ditës.

Një gjë e tillë po ndodh edhe përkundër thirrjes së djeshme nga Ambasada Amerikane që depuetët të marrin pjesë në seancat e Kuvendit dhe të votojnë për ligjet që kanë të bëjnë me fushën e sundimit të ligjit.