Kusari-Lila: Kjo situatë mund të lërë shumë pasoja
Maqedonia është përgjegjëse për problemin e krijuar me Kosovën sa i takon ndalesës dhe kushtëzimit të lëvizjes së lirë të mallrave dhe qytetarëve. Kështu ka thënë ministrja e Tregtisë dhe Industrisë Mimoza Kusari Lila, duke shtuar se nëse Maqedonia nuk i heq vendimet edhe qeveria e Kosovës nuk do të heqë vendimet e saj, shkruan Epoka e re.

“Kemi komunikuar me ministrin Valon Saraqini, të cilit ia kemi bërë me dije vendimin tonë për ndalesën e produkteve nga Maqedonia deri në heqjen e dy vendimeve, njërin për masën kufizuese për miellin, tjetrin për heqjen e taksës për qytetarët e Republikës së Kosovës. Për pa i hequr këto dy vendime nuk do ta heqim vendimin tonë”, ka deklaruar Kusari-Lila.

Madje kjo situatë sipas saj mund të sjellë shumë pasoja.

“Kemi mbyllje të kufirit në të dyja anët. Është një situatë jo e këndshme, e cila mund të lë pasoja. Tejkalimi i kësaj situate varet nga vullneti i Qeverisë së Maqedonisë. Duhet të kthehemi në pikën zero, ku kemi qenë, pa ndonjë ndalesë apo kushtëzim të lëvizjes së lirë të mallrave apo të qytetarëve”, ka thënë Kusari-Lila. /albeu.com/
Shtuar më 11/09/2013, ora 12:45
Shkruani komentin tuaj!
Të fundit nga kjo kategori