E FUNDIT/ FSHF shkarkon Panuccin
Kurti në Podujevë: Me ne do të pasuroheni
Lideri i lëvizjes Vetëvendosje ka premtuar se në Podujevë të gjithë do të pasurohen. Sipas tij, kjo do të arrihet pasi të gjithë do të punojnë. Gjatë tubimit që kjo lëvizje ka mbajtur të mërkurën në Podujevë, Kurti ka thënë se me ardhjen në pushtet nuk do të ndihmohen të pasurit, por të varfrit, siç raportn gazeta "Express".

"Ne nuk duhet t'i ndihmojmë milionerët,por të varfrit, pensionistët, studentët, bujqit, mjekët e arsimtarët. Këto janë kategroitë që duhet shteti e pushteti të ndihmojë",-tha ai, duke shtuar se me Xhemshit Vokrrin dhe me lëvizjen Vetëvendosje nuk do të jetë asnjë familje pa kulm mbi kokë dhe asnjë familje pa një të punësuar.

Ai ka premtuar se tokat bujqësore nuk do të shndërrohen në sheshe ndërtimevesh. Sipas tij, me VV-në të gjitha ndërtimet do të bëhen sipas standardeve dhe planit urbanisitik. Kurti i ka quajtur gënjeshtra premtimet e kryeministrit të Kosovës, Hashim Thaçi, bërë gjatë kësaj fushate nëpër komuna.

E kandidati për kryetar të Komunës së Podujevës, Xhemshit Vokrri, ka thënë se do të trefishojnë buxhetin për bujqësi. Gjatë prezantimit të programit të LVV-së, Vokrri ka premtuar gjithashtu ulje prej 50 për qind të taksave komunale për të gjitha bizneset, zhvillim ekonomik, siguri në rrugë e në shkolla, administratë të shpejt dhe trasnparente, infrastrukturë në arsim, transport funksional urban e ndërurban etj./albeu.com/
Shtuar më 09/10/2013, ora 17:58
Shkruani komentin tuaj!
Të fundit nga kjo kategori