Kur strukturat partiake përdoren si vegël
Nga Arton Muhaxheri

Të gjitha subjektet politike në Kosovë përafërsisht kanë të njejtën skemë të organizimit struktural, duke filluar nga aktiva, nëndega, dega, këshilli dhe kryesia, përjashto Lëvizjen VETËVENDOSJE! sikur me politikat e saj ashtu edhe në aspektin organizativ struktural ndryshon nga subjektet e tjera politike sepse ajo fillon me pikën, këshillin, qendrën dhe kryesinë por megjithatë e përgjithshmja e të gjitha subjekteve është e përafërt, por nuk është kjo çështja, problemi qëndron tek ndikimi i këtyre strukturave në subjektet përkatëse politike, ajo që është e sigurt shumë nga këto subjekte kanë harruar se kur e kanë mbledhur këshillin e tyre siç e quajnë të përgjithshëm, kombëtar apo si do qoftë.

Në përjashtim në këtë rast të Lëvizjes VETËVENDOSJE! e cila këshillin e përgjithshëm e fton së paku njëherë në tre muaj.

Situata politike në vend e krijuar pas koalicionit PDK-LDK ka paraqitur një fuknsionim jo demokratik të këtyre subjekteve politike pavarësisht asaj që fjalen demokraci e kanë në emrin e subjektit. Duke e njohur mënyren se si duhet funksionojnë strukturat e partiake konsideroj se disa subjekte politike në veçanti LDK dhe PDK strukturat partiake nëpër nëndegë apo degë i përodrin si vegël për ta arsyetuar një veprim të caktuar të kryetarit apo kryesisë qendrore, pavarësisht asaj se sa i gabuar mund të jetë vendimi apo jo.

Kemi rastin konkret kur LDK dhe PDK ftojnë këshillat tyre, vizitojnë degët vetëm pasi ta kenë bërë një veprim të caktuar politik dhe më e keqja ekziston se të gjitha këto organe mbledhen sa për sy e faqe dhe nuk kanë peshë tek vendimet politike që i merë lideri apo një grup njerëzish në parti.

Kemi edhe një moment tjetër kur strukturat partiake nëpër degë viztohen shpesh, atëherë kur është fushata para elektorale, ku nga strukturat kërkohet angazhim maksimal për të krijuar akivitete për lidershipin e partis nga kjo mund të konstatojmë se lidershipi i nivelit qendror më shumë është i interesuar të krijoj struktura teknike nëpër degë sesa struktura politike, duke qenë kështu të gjitha subjektet po kanë vështirësi të sigurojnë edhe emra për kandidat për kryetar komune si dhe emra për kandidat për deputet, sepse nuk investeojnë për ti krijuar figurat brenda strukturave të tyre.

Të gjitha këto vendime politike që merren pa konsultim me bazën, kam përshtypjen se janë vendime që tregojnë një papërgjegjshmëri të liderëve ndaj strukturave të tyre, prandaj dhe njerëzit të cilët nuk kanë një interes nga subjekti politik por thjeshte përqafojnë ideologjin,porgramin etj, shumë thjeshtë edhe mund ti grisin kartelat e antarësisë ashtu siç po ndodh me anëtarë të LDK’se ose të vendosin të shkojnë në një subjekt tjetër politik apo të qëndrojnë apolitik në rast se ndihen të zhgënjyer apo të tradhtuar nga subjekti për të cilin kanë dhënë shumë, duke pasur parasysh në këtë rast LDK’në është subjekti më i vjetër politik dhe gjatë rrugës ka përballuar shumë situata, pikërisht kjo është aryseja se njerëzit në këtë subjekt politik mund të lendohen më lehtë nga një papërgjegjshmëri e liderëve.



Praktiken e trajtimit të strukturave të shumë subjekteve politike në Kosovë mund ta përkufizoj me defincionin “të keqen e ndajmë bashkë të miren e kem për vete” kjo është pikërisht mënyra se si trajtohen strukturat e partive politike, shpeshherë antarët e këtyre strukturave janë të shtypura edhe për ta thënë publikisht qoftë edhe një mendim personal në lidhje me një çështje të caktuar. Mirëpo strukturat janë të nevojshme vetëm për ti krijuar mur për lideret që të fshihen duke thënë se nuk e deshta unë por e deshten strukturat, kjo është keqpërdorim maksimal i strukturave partiake.

Kur jemi tek strukturat nuk mund të mos e përmendim Isa Mustafen i cili është mjeshtër se si duhet përdorur strukturat si vegël për ti arsyetuar veprimet e gabuara të tij, kemi dy raste specifike momenti kur deshti të bëhej kryetar i LDK’së në atë kohë pati orkestruar një grushtë njerëzish për të protestuar se kinse ky është i parapelqyeri i strukturave për kryetar partie ashtu dhe ndodhi në diten e kuvendit zgjedhor ai paraqiti kandidaturen duke thënë nuk deshta unë por strukturat, rasti i dytë është i freskët ku shfrytëzoj këshillin e përgjithshëm për ta tradhtuar në minut të fundit grupin VLAN.

Prandaj në rastin normal strukturat duhet të konsiderohen shtylla të subjektit politik, po aq sa lideri i partis edhe ato e kanë nivelin e përgjegjësisë në marrjen e vendimeve të caktuara, prandaj duhet të konsultohen ato paraprakisht dhe jo të përdoren si vegël, në Kosovë deri tash kemi vetëm një shembull të tillë ku struktura ka nivelin e përgjegjësis për vendime të mëdha ajo është Lëvizja VETËVENDOSJE! e cila konsulton strukturat dhe antarësin për vendimet e mëdha, përndryshe demokracia mund të jetë shkruar e stërshkruar, e thënë e stërthënë por vetëm kaq nuk mjafton./albeu.com/

*Aktivist i Vetëvendosjes, Pejë
Shtuar më 23/11/2014, ora 14:21

Shkruani komentin tuaj!
Të fundit nga kjo kategori