Forumi Rinor i PD ka një kryetar të ri, Besart Xhaferri fiton zgjedhjet

Ditën e shtunë u mbajtën zgjedhjet për kreun e  Forumit Rinor të Partisë Demokratike ku fitues është shpallur  Besart Xhaferri.

Anëtari i kryesisë së PD, Grigels Mucollari në një deklaratë për mediat bëri me dije se procesi zgjedhor u administrua në 62 qendra votimi në të gjithë vendin dhe në të kanë marrë pjesë 186 komisionerë.

Xhaferri arriti të merrte 5256 vota nga 9470 që ishin në total, ndërsa pas tij erdhi Arnold Kariqi mori 1683 vota.

Deklarata e plotë:

Shpallet rezultati zyrtar nga zgjedhjet në FRPD/ Fitues i zgjedhjeve dhe kryetar i ri i Forumit Rinor të Partisë Demokratike shpallet z. Besart Xhaferri.

Të shtunën janë zhvilluar zgjedhjet për kreun e Forumit Rinor të Partisë Demokratike. Procesi zgjedhor është administruar në 62 qendra votimi në të gjithë vendin dhe në të kanë marrë pjesë 186 komisionerë.

Të gjashtë kandidatët në garë janë përfaqësuar edhe nga 287 vëzhgues

Vlen të theksohet se i gjithë procesi është administruar nga Forumi Rinor i Partisë Demokratike.

Gjitshatu gjatë procesit të votimit, dhe deri në tani, nuk ka patur asnjë ankesë nga vëzhguesit apo kandidatët në rrugë zyrtare.

Sa i takon pjesëmarrjes dhe elementëve të saj, në votime kanë marrë pjesë 9470 votues dhe 73 vota janë gjetur të pavlefshme.

Në emër të Forumit Rinor të Partisë Demokratike dua të falenderoj të gjithë pjesëmarrësit në votime, komisionet dhe vëzhguesit që kanë siguruar një proces demokratik për secilin kandidat dhe, sigurisht kandidatët që kanë dhuruar një garë të fortë dhe entuziaste.