Kthehen në garë “ujqit e vjetër”
Dy partitë opozitare, LDK-ja dhe AAK-ja, i kanë nominuar shumicën e kandidatëve për kryetarë të komunave, ndërsa garës i janë kthyer ish kandidatët e kaluar që kanë qeverisur komunat. Vetëvendosje dhe PDK-ja po “shikojnë seri”.

Derisa nuk dihet data e saktë se kur do të mbahen zgjedhjet lokale, a do të jetë fundi i tetorit apo fillimi i nëntorit, partitë politike i kanë tensifikuar angazhimet rreth përzgjedhjes së kandidatëve “adekuat” me të cilët pretendojnë t’i fitojnë zgjedhjet lokale.

Në fakt janë drejtuesit e LDK-së dhe ata të AAK-së që nominimin e kandidatëve për kryetar të komunave e kanë marrë më “ngatë zemre”, ndërsa partitë tjera nuk janë duke u ngutur për këtë process. Këto dy parti I kanë kthyer në lojë “ujqit e vjetër” me qëllim që ta mposhtin PDK-në.

Ndërksa, tërësisht të heshtur karshi këtij procesi deri tash janë treguar drejtuesit e PDK-së, të VV, dhe të AKR-së, shkruan Zëri.

Sikurse në partinë e Hashim Thaçit, në Lëvizjen e Albin Kurtit dhe atë të Behxhet Pacollit deri më tash, të paktën publikisht, nuk dihet as edhe një kandidat I vetëm që do të garojë për të marrë timonin e ndonjerës prej komunave të vendit. /albeu.com/
Shtuar më 30/06/2013, ora 10:15
Shkruani komentin tuaj!
Të fundit nga kjo kategori