Fjalët e para të Ten Hag si tekniku i Man Utd: Privilegj të jem në krye të këtij ekipi

Pak çaste më parë është konfirmuar nga Ajax edhe nga Manchester United se trajneri Erik ten Hag do të jetë nga  korriku trajneri i klubit anglez.

Ai gjithashtu ka thënë edhe fjalët e tij të para pas këtij zyrtarizimi.

“Është një nder i madh të emërohem trajner i Manchester United dhe jam jashtëzakonisht i emocionuar nga sfida që do të kem përpara. Unë e njoh historinë e këtij klubi të madh dhe pasionin e tifozëve dhe jam absolutisht i vendosur të krijoj një ekip të aftë për të dhënë suksesin që meritojnë.

Do të jetë e vështirë të largohem nga Ajax pas këtyre viteve të mrekullueshme, dhe unë mund t’i siguroj tifozët tanë për angazhimin tim të plotë dhe fokusimin në përfundimin e suksesshëm të këtij sezoni përpara se të shkoj te United”, ka deklaruar tekniku holandez./ h.ll/albeu.com


Shtuar 21.04.2022 12:55