KQZ-ja nuk e ka çertifikuar listën "Srbija"
Lista qytetare "Srbija" nuk është certifikuar ende nga Komisioni Qendror i Zgjedhjeve. Këtë e bëjnë të ditur zyrtarë të KQZ-së, madje kanë thënë se janë ende në proces të verifikimit të subjekteve politike që do të marrin pjesë në zgjedhjet e 3 nëntorit.

Zëdhënësi i KQZ-së Valmir Elezi tha për Radio Kosovën se kanë mbetur edhe 18 subjekte politike, të cilat janë duke u shqyrtuar.

”Deri më tani KQZ ka certifikuar 85 subjekte politike, ku përfshihen parti politike, iniciativa qytetare dhe kandidat të pavarur . Në këtë proces janë edhe 18 subjekte politike për të cilat do të vendosë Komisioni Qendror i Zgjedhjeve”, tha Elezi.

Pasi të përfundojë procesi i certifikimit të subjekteve politike, Komisioni Qendror i Zgjedhjeve do të hedhë shortin më 19 shtator. /albeu.com/
Shtuar më 16/09/2013, ora 16:33
Shkruani komentin tuaj!
Të fundit nga kjo kategori