Kosovari në SHBA ushqen falas të prekurit nga uragani Harvey (VIDEO)
Pëlqej
Një shqiptar nga Kosova, që gjatë luftës në Kosovë iu desh të largohej nga vendi dhe të udhëtonte për në Shtetet e Bashkuara të Amerikës, nuk ka harruar tmerrin nëpër të cilin iu desh të kalonte.

Tani Kujtim Lokaj nga Deçani, pronar i një restoranti në Dallas të SHBA-ve, po ushqen falas të prekurit nga Harvey.

Ai ka shërbyer mbi 300 vakte për të ikurit nga shtëpitë e tyre.
Për Kujtim Lokajn, televizioni CBS ka realizuar një kronikë ku Kujtimi tregon arsyen se përse po ndihmon ata që kanë mbetur pa shtëpi për shkak të Harveyt, njofton Klan Kosova.

“Është ndjenjë e njëjtë sikur atëherë kur u desh të linim Kosovën, prej nga jam, dhe u larguam pa pasur asgjë tjetër me vete pos rrobave në trup. Udhëtuam për ditë të tëra për në një vend tjetër, pa e ditur se ku do të flemë, ku do të hamë dhe kjo është një situatë shumë e vështirë. Prandaj, çfarëdo që mund të bëj sot për të ndihmuar, për mua është një privilegj”, ka thënë Lokaj në një intervistë për CBS. /albeu.com/

Shtuar më 02/09/2017, ora 19:26
Shkruani komentin tuaj!
Të fundit nga kjo kategori